வா என் இனிய 2009

உலகில் எதுவும் புதியதில்லை

வேண்டுவதெல்லாம் செயலில் புதுமை.

செய்வதை சிறப்பாய் செய்து

நம்மை மட்டுமல்ல

நம்மை சுற்றியுள்ளவர்களையும்

முன்னேற்றி 2009ல் நாமும்

வளம் பல பெறுவோம்.

சிந்தனை செய் மனமே!

இளைஞர்களின் சம்பளத்தில் 25 சதவீதம் வீட்டு வாடகைக்கும்,20 சதவீதம் உணவுவகையிலும் செலவு ஆவதாக ஒரு புள்ளி விபரம் கூறுகிறது.

இதில் இரண்டு செய்திகள் உள்ளது

1.இரண்டு வகை செலவினங்களிலேயே சுமார் 50 சதவீதம் செலவாகிவிடுகிறது. எனவே இளைஞர்கள்இவற்றை குறிப்பாக கவனித்து சேமிப்பை அதிகப்படுத்தினால் வளமான வாழ்வு நிச்சயம்.

2.சுறுசுறு என்று தொழில் செய்யும் ஆர்வமுள்ளவர்களா நீங்கள்? கண்டிப்பாய் உணவுத்தொழிலை தேர்ந்தெடுத்து செய்தால் லாபங்களை அள்ளி மகிழலாம்.

பரத் நடிக்கும் நாட்டுக்கோழி...

சேவல்

இந்த பெயரை இப்பொழுது கேட்டால்
குலை நடுக்கம் எடுக்கிறது.

போன ஞாயிறு அன்று என்ன செய்வது என்றே தெரியவில்லை
சரிதான் என்று 2ரூபாய்க்கு வேர்கடலை வாங்கி ஓவ்வொன்றாய்
வாயில் போட்டபடி நடந்தேன்

பொதுவாகவே கிறுக்காக சுற்றும் நான் அன்று வெகு கிறுக்காக திரிந்தேன்.
கடலை தீர்ந்தவுடன் நடையை நிறுத்தி நிமிர்ந்து பார்த்தேன்,சேவல் படப்போஸ்டரில்
சிரித்துக்கொண்டிருந்த சிம்மரனைப் பார்த்தவுடன் படம் பார்க்கலாமே என்று மனம்
சொல்ல,பைக்குள் கையைவிட்டேன் ஒரு 50 ரூபாய் நோட்டும் இரண்டு 20 ரூபாய்
நோட்டும் இருந்தது.

கவுண்டர் அருகில் சென்று டிக்கெட் விலையை கேட்ட போது 2 கிலோ அரிசியின்
விலையை(கலைஞர் கொடுக்கும் அரிசியின் விலை அல்ல) அதிர்வில்லாமல் சொன்னார்கள். அப்பொழுதாவது இந்த மரமண்டைக்கு உரைத்ததா என்றால் அதுவும் இல்லை.

டிக்கெட்டை வாங்கிக்கொண்டு நாலு கால் பாய்ச்சலில் 40 படியை அனாவசியமாய்
கடந்து(எட்டாவது படிக்கும் போது ஓட்டப்பந்தயத்தில் நடந்து போனது தேவையில்லாமல் ஞாபகத்திற்கு வந்தது) தியேட்டருக்குள் நுழைந்தால் எண்ணி 20 பேர் மட்டுமே
இருந்தார்கள்.

அமர்ந்திருந்த சில பேர் கதவு திறந்தபோதெல்லாம் தென்னாப்பரிக்காவில் இருந்து
வந்த மனிதரைப் பார்ப்பதுபோல் வந்தவர்களை பார்த்தது வேறு திகிலடித்தது.
ஒரு வழியாக என் இருக்கையில் வந்து அமர்ந்தேன். பின் சீட்டில் இருந்து ஓரு கை
என்னை தட்ட ஓரு மார்க்கமாக திரும்பினேன், பத்தாயிரம் சேவல்கள் ஓன்றாக கொத்தினால் எப்படி இருக்கும், அப்படி இருந்தது தியாகுவை பார்த்த போது.

தியாகு முப்பதாயிரம் ரூபாய் பணத்தை வாங்கிவிட்டு 3 வருடமாக இதோ அதோ
என்று பல திரைக்கதைகளை மிக அழகாக கூறியவர். வாங்கண்ணே இங்க வந்து
உட்காருங்க என்று அன்பொழுக கூப்பிட்டார். அவரால் அப்படி கூப்பிட முடியும்
ஏனென்றால் அவர் வாங்கியவர். அறம் செய்ய விரும்பு,றுவது சினம் என்று
என்னால் இருக்க முடியவில்லை.

சினிமாவைவிட நிஜத்தில் நன்றாக நடித்தால்தான் வாழவே முடியும் போல் இருக்கிறது.
அன்றலர்ந்த தாமரைபோல் (கஷ்டப்பட்டு) முகத்தை வைத்துக்கொண்டு அங்கவிட
இந்த சீட் வசதியாய் இருக்கு என்றபடி முன்னே திரும்பி அமர்ந்தேன்.

திரையில்
சேவல்
என்று ஓளிர்ந்தது
அதற்கு பிறகு
அதைப்பார்த்த அனைவருக்கும்
சித்தம் கலங்கியிருக்கும்
என்பதில் எள்ளளவும்
சந்தேகமில்லை.

சில காட்சிகள் நம் சித்தத்தை
கதிகலங்க வைத்துவிடுகின்றன.

எவ்வளவோ அழகான திரைப்படங்கள் சிறிய நாடுகளில் இருந்துகூட
உலகம் வியக்க தயாரிக்கப்படுகின்றன.
சமீபத்தில் ஹிந்தியில் பூத்நாத் என்று ஓரு அழகான திரைப்படம் வந்தது.
இறந்த ஓரு பெரியவரின் வி அந்த வீட்டிற்கு குடி வந்த சிறுவனின் அன்புக்கு
அடிபணிந்து தனக்கு வருத்தத்தை அளித்த ஓரே பையனை மன்னித்து ஏற்றுக்
கொள்ளும் விசயத்தை வெகு நேர்த்தியாக படமாக்கியிருந்தனர்.

சில காட்சிகளில் கண்ணீர் நம்மையும் அறியாமல் கண்களை குளமாக்கியது.
அமிதாப்பின் தேர்ந்த நடிப்பு படத்திற்கு சிறப்பு.

சேவல் புடித்த நேரம், என் நண்பருக்கு பரபரன்னு
ஓரு படம் எடுக்க சை வந்திருச்சு.
பரத் டேட்ஸ் கிடைச்சுருச்சுன்னா
படத்த ரம்பிச்சுரலாம்னு இருக்கார்.

படத்தோட போஸ்டர் டிசைன் ரெடி
பேசனுக்காக மொட்டையடிச்சிருக்காங்க கதாநாயகி
அவளுக்கு விக்கு வச்சு அசிங்க படுத்தின வில்லன
எப்டி பரத் பழி வாங்கி கதாநாயகியின் விக்க புடிங்கி தாமிரபரணி த்துல
வீசி எறிஞ்சுட்டு பேண்ட்ட கிழிச்சு தூக்கி கட்டிகிட்டு வர்றதோட படம் முடியுது.


இதுக்கு ஏங்க நாட்டுக்கோழின்னு பேரு வச்சீங்கன்னு கேட்டேன்
கதாநாயகி விக்க ஈஸியா கழட்டமுடியாதபடி வில்லன் ஓரு சொலூசனப்போட்டு
ஓட்டியிருக்கார்,அதனால பரத் ஒரு கோழிக்கடையில சோகமா உட்கார்ந்திருக்கும்
போது, அந்த கடையோட ஓனர் வடிவேலு நாட்டுகோழிய உரிக்கரதக்காக
நெருப்புல சுட்டு வாட்றார் மின்னலென ஐடியா உதிச்சு கதாநாயகி விக்க பரத்
உருச்சு எறியுறார்.

ஹா பேர்ப்பொருத்தம் அட்டகாசம்தான் போங்க
மறந்துறாம நாட்டுக்கோழிய பார்த்து மகிழுங்க.

பழைய வீடும்... பதிந்த விசயமும்...

சித்தப்பா,பெரியப்பா மக்களுடன் முற்றத்தில் ஓடி விளையாண்ட நாட்களையும்,மழை நாளில் முற்றத்தின் நான்கு விளிம்பிலும்வடியும் மழை தண்ணீரை பித்தளை அண்டாவில் பிடித்து மகிழ்ந்த சந்தோசமும்,தண்ணீரை முற்றத்தில் அடைத்து கப்பல் விட்டு மகிழ்ந்ததும் இந்த வீட்டில்தான்.

பழைய வீடு

பலபேர்களின் ஞாபகங்கள் பொதிந்த வீடு.அதிலொருவர்எல்லெஸ் கனீரென்ற குரலுக்குச் சொந்தக்காரர்கருப்பு வெள்ளையில் காவியங்கள் படைத்தவர்புகைப்படத்தில்.

முற்றைத்தை சுற்றியுள்ள அனைத்து அறைகளின் சுவற்றிலும்இவர் எடுத்த புகைப்படங்கள் மிடுக்குடன் காணப்படும்.

ஒவ்வொரு கல்யாண வீடுகளிலும்

அவர் பின்னால் மழலை பட்டாளங்களின்அணிவகுப்பு

இருந்து கொண்டேயிருக்கும்.

ஆர்வமுடன் கேமராவை பற்றி கேட்டால்

வயது வித்யாசம் பார்க்காமல்

கனீர் குரலில் சொல்லித்தருவார்.

அவரும் இருந்தது இந்த வீடு.

கன்னிஅப்பத்தா,

கல்யாணிஅண்ணன்

சேகர்

கண்ணன்

சோமுஅண்ணன்

கனகுஅய்யா

அருணாச்சலம்

ரவி

எல்லெஸ் சுப்பரமணி
இவர்களைத்தவிர பெயர் ஞாபகத்திற்கு வராத இன்னும் பலபேரை மனதில் பதித்ததும் இந்த வீடுதான்.

சினிமா காட்டி மகிழ்ந்ததும்திருமண வீட்டில் தென்னங்குறுத்தோலை பின்னி மகிழ்ந்ததும்கல்யாண வீட்டில் வினோதமான மிசினில் சுற்றி தரும் ஐஸ்கிரீமைஅடித்து பிடித்து ருசித்ததும் இந்த வீட்டில் தான்.

பலபேர் வாழ்ந்த இந்த வீடு பல கலைநயத்தை தன்னுள் கொண்டுள்ளது.அழகிய மர வேலைப்பாடுகள் காண்போர் மனதை கொள்ளை கொள்ளும்.மேல்மாடியில் உள்ள சுவரோவியங்கள் ஒவ்வொன்றும் உயிரோவியங்கள்.

திண்ணை

முற்றம்

இரண்டாம் கட்டு

நடைப்பாலம்

பந்திக்கட்டு

தோட்டத்துடன் கூடிய கிணற்றடி கொல்லைப்புறம்.

எத்தனையோ தலைமுறைகள்

முளைத்து வேர்விட்டு வளர்ந்த இடம் இந்த வீடு.

இயற்கையின் செல்வங்களாம்தூயகாற்று,

மாசற்ற ஊரணி தண்ணீர்

மலை சூழ்ந்த கோயில் அமைந்த ஊரில்

இந்த வீடு அமைந்துள்ளது.

வாழ்ந்த வீட்டை இந்த நிலையில் பார்த்தபோதுஇனம் தெரியாத சோகம் மனதை தாக்கியது

எதைஎதையோ சாதிப்பதற்காக நாம் ஒடிக்கொண்டே இருக்கிறோம்.அழகிய நிம்மதியான வாழ்க்கை நம் காலடியில் கொட்டிக்கிடப்பதை அறியாமல்

பழைய வீடுஇன்றில்லை

ஆனால் அதில் வசித்த மனிதர்களும் எங்கள் சிறுவயது கல்லமில்லா விளையாட்டுகளும்எங்கள் மனதில் என்றும் நீங்காதிருக்கும்.

குசேலன் ரஜினி நல்லவரா? கெட்டவரா?

சூப்பர் ஸ்டார் ரஜினிகாந்தை எனக்கு மிகவும் பிடிக்கும்.

நாகப்பா,இதுல ஒரு சீட்டெடு என்று கராத்தே மணியிடம் ரஜினி கேட்கஏங்கிட்டேயேவா என்று கராத்தே மணி கேட்க உன்னையத்தாண்டா என்று அழுத்தி சொல்லிவிட்டு,எல்லாருக்கும் நாள் குறிச்சீல உனக்கு நான் நாள் குறிக்கிறேன்டா என்றபடி ஸ்டைலாக நடந்து ஒரு உதை கொடுப்பார்.

"அன்புக்கு நான் அடிமை" அந்தப் படத்தைப் பார்த்தவுடன் ஏதோ ஒரு இனம் தெரியாதபிடிப்பு அவர் மேல் ஏற்பட்டது.
ஒரு பேட்டியில் நடிகர் விஜய் அன்புக்கு நான் அடிமை படத்தை ஸ்கூலுக்கு கட்டடித்துவிட்டு நான்கு முறை பார்த்தேன்,அதிலும் ரஜினி போடும் மான் கொம்பு சண்டையைமறக்க முடியவில்லை என்று கூறியிருந்தார். அந்தப் பேட்டியைப் படித்தவுடன் ரொம்பவும் சந்தோசமாக இருந்தது.

ரஜினியை
ஒரு தயாரிப்பாளருக்கு பிடிக்கலாம்
ஏன்?
அதில் ஒரு நியாயம் உள்ளது.
ஏனென்றால் தன்னை நம்பி வரும் தயாரிப்பாளருக்கு லாபத்தை மட்டுமே சம்பாதித்துகொடுப்பதால்.

ரஜினியை
ஒரு இயக்குனருக்கு பிடிக்கலாம்
ஏன்?
ஏனென்றால் ரஜினியை இயக்கிதால் கிடைக்கும் பெருமையால்.

ரஜினியை
ஒரு விநியோகஸ்தருக்கு
ஒரு தியேட்டர் அதிபருக்கு
ஒரு தியேட்டரில் உள்ள கேண்டீன் ஒனருக்கு பிடிக்கலாம்
ஏன்?
ஏனென்றால் இவர்களுக்கும் ரஜினியால் பெருமையும் லாபமும் கிடைப்பதால்.

பணத்தையும் கொடுத்துவிட்டு லாபமும் இல்லாமல் லட்சோப லட்சோபம் பேர், படித்தவர் முதல் பாமரர் வரை ரஜினியை விரும்புவதின் ரகசியம் என்ன?

காரணம்

நாம் நினைத்ததை எல்லாம் செய்து விட முடியாதுகுறைந்த பட்சம் நாம் நினைப்பதை உள்ளது உள்ளபடி பேசக்கூட தயக்கம்,பயம்.அவர் என்ன நினைப்பாரோ இவர் என்ன சொல்லுவாரோ என்று சதாசர்வகாலமும் பிறரை நினைத்தே நம் எண்ணங்களை வெளிப்படுத்துவதே இல்லை.

நம் கண் எதிரே நடக்கும் சின்னச்சின்ன தவறுகளை தட்டிகேட்க வேண்டும் என்று மனது துடிக்கும் ஆனால் யதார்த்தம் நம்மால் முடியாது.

ஆனால்

ரஜினி திரையில் இதை எல்லாம் வெகு இலகுவாக சாதித்து காட்டுவார்.நியாயத்தை தட்டி கேட்டு அவர் விடும் பஞ்சு டைலாக்கும் அப்படியே மனதில் சென்று தங்கிவிடும்.
சராசரி மனிதனால் முடியாத எதையும் திரையில் ரஜினி சாதித்து காட்டுவதால்தான்பெரும்பாலானவர்களுக்கு பிடிக்கிறது.

ரஜினி
என் தைரியத்துக்கு ஒரு காரணம்
என் குரு ஸ்ரீரமண மகரிஷியைக் காட்டியவரும் அவரே
அவரின் எளிமை அனைவரையும் போல் எனக்கும் பிடிக்கும்.

"வாழ்கையில ஒன்னவிட ஒன்னு பெட்டராத்தான் தெரியும் ஆனா நமக்கு என்ன வேணும்னு நாமதான் உறுதியா தேர்ந்தெடுத்தா தான் நம்ம வாழ்கை நல்லா இருக்கும்."

ஜானி படத்தில் தீபாவிடம் ரஜினி கூறும் இந்த வசனம் மனதில் நச்சென்று பதிந்தது. உருவாக்கியவர் இயக்குனர் மகேந்திரனாக இருக்கலாம்,அது மனதில் பதிந்ததற்கு காரணம் ரஜினிதான்.வாழ்க்கைகு தேவையான நல்ல விசயங்கள் பல ரஜினி மூலமே எனக்கு கிடைத்தது.

சோர்வு வரும்போதெல்லாம்

வெற்றி நிச்சயம் இது வேத சத்தியம்
எங்கிட்ட மோதாத நா ராஜாதி ராஜானடா
பொதுவாக எம்மனசு தங்கம்
மை நேம் ஸ் பில்லா
என் தாயின் மீது ஆனை எடுத்த சபதம் முடிப்பேன்

இந்தப் பாடல்களை கேட்க்கும் போது எங்கிருந்துதான் உற்சாகம் வருமோ?சோர்வுக்கே சோர்வு வந்துவிடும்.

நம்பிக்கை இழக்கும் போதெல்லாம்

மரத்த வச்சவன் தண்ணி ஊத்துவான்
சக்தி கொடு

இந்தப்பாடல்கள் காதில் விழுந்தாலே நம்பிக்கை பல மடங்கு அதிகரிக்கும்.

எங்காவது பயணம் செய்யும்போதோ
இயற்கையுடன் ஒன்றியிருக்கும்போதோ

கண்மணியே காதல் என்பது கற்பனையோ.
பெண்மானே சங்கீதம் பாடிவா
இரு விழியின் வழியே நீயா வந்து போனது.
கண்ணில் என்ன கார்காலம் கன்னங்களில் நீர்கோலம்
அடி வான்மதி என் காதலி
வெண்மேகம் மண்ணில் வந்து மஞ்சள் நீராட்டும் வெள்ளைப் புறா ஒன்று
காத்தோடு பூ உரச
விழியிலே மலர்ந்தது
சகானா சாரல் தூவுதே

இந்தப் பாடல்களை கேட்டால் மனதை யாரோ மெல்லிய மயிலிரகால் வருடி விடுவதைப்போல் இருக்கும். நம்மேல் அன்பு கொண்டவர்களின் அருகில் இருக்கும் உணர்வை இப்பாடல்கள் எனக்கு தருகின்றன. என் மேல் அன்பு செலுத்துவதற்கு யாருமே இல்லை என்ற நிலை வந்தாலும் இப்பாடல்களே எனக்கு துணை என்று இருந்துவிடுவேன்.

கம்பங்கழி தின்னவனும் மன்னுக்குள்ள
தங்க பஷ்பம் தின்னவனும் இந்த மன்னுக்குள்ள

இந்த ரெண்டுவரிய கேட்டாலே வாழ்க்கையில நடக்கற கஷ்டமான விசயங்களஎளிதா எடுத்துக்க முடியும்.

ரஜினிய
அப்பமட்டுமில்ல
இப்பவும் பிடிக்குது
இப்பமட்டுமில்ல
எப்பவும் பிடிக்கும்
ஏன்னா?
அவரோட எளிமை
விடாமுயற்சிநம்பி
வந்தவர்களை கைவிடாத தன்மை
எதிரியையும் நேசிக்கும் பண்பு
அனைவரையும் மதித்து உற்சாகப்படுத்தும் தன்மை.

மொத்ததில் நிர்வாகத்துறையில் உள்ளவர்களுக்கு வேண்டிய விசயங்கள்தான் இவை.

இது எளிதில் ரஜினிக்கு வசப்பட்டதால்தான், பெரும்பான்மையானவர்கள் ரஜினிக்கு வசப்பட்ட ரகசியம் இதனால் தானோ?

ஊக்கமது கைவிடேல்

தி வேரியபில்ஸ் படப்பிடிப்பில்
கார்த்திகேய மணிகண்டன்





அர்ச்சுனனுக்கு வில்லு

ஹரிசந்திரனுக்கு சொல்லு

அதுபோல

கார்த்திகேய மணிகண்டனுக்கு

சினிமாவே சுவாசம். யதார்த்தமாய் தொலைபேசியில்தான் எங்கள் அறிமுகம் நடந்தது.என்ன பண்றீங்க என்று கேட்டபோது சவுண்ட் இன்ஞினியரிங் அண்ட் டைரக்ஷன் கோர்ஸ் படிக்கிறேன் என்று சொன்னதும் என்னுள் இருந்த சினிமா கலைஞனும் விழித்துக்கொண்டதால் பரஸ்பரம் சினிமா என்ற ஒத்த வரிசையினால் ஒரு பிடிப்பு ஏற்பட்டது


இடையில் என்னை நேரில் சந்ததித்து அவரின் 8.a.m. என்ற குறும்படத்தின் டிவிடி ஐ கொடுத்து பார்க்கச் சொன்னார். எட்டு நிமிடமே ஒடும் அந்த குறும்படம் ஒருவேலையில்லா இளஞனின் வாழ்வை எந்த வித வசனமும் இல்லாமல் காட்சி அமைப்புகளிலேயே மிக அழகாக பதிவுசெய்திருந்தார்.பார்த்ததும் கண்டிப்பாய் இவர் தமிழ் சினிமாவில் ஜெயிப்பார் என்ற நம்பிக்கை வந்தது.


அதற்கு அடுத்தடுத்த சந்திப்புகளில் கார்த்திகேய மணிகண்டனின் அலட்டல் இல்லாத ஆனால் விசய ஞானம் உள்ள சினிமா பார்வையை புரிந்து கொள்ள முடிந்தது.உலக சினிமா பற்றி கூடுதல் தகவல்களையும் அதைப்பார்க்கும் விதம் பற்றியும் அவர்சொல்லும் அழகே தனி.


அவரின் கதை சொல்லும் நேர்த்தியாலும் தொழில் நுட்ப அறிவாலும் கவரப்பட்ட நான்,கார்த்தி எனக்காக ஒரு குறும்படத்தை இயக்கி கொடுக்க முடியுமா? என்று கேட்டபொழுது சார் எனக்கு அவகாசம் கொடுங்கள் என்று கூறி மிக நிதானமாக தி வேரியபிள்ஸ் என்ற ஸ்கிரிப்டை எழுதிக்கொண்டு வந்த தந்தார்.

இதற்கிடையில் ''பெபிள்'' என்ற DVDஐ கொடுத்து,இந்த படத்தை பாருங்கள்,இந்த படத்தில் கதை சொல்லும் உக்தி முற்றிலும் மாறுபட்டது. மூன்று கண்டங்களில் நடக்கும்நிகழ்ச்சிகளை ஒன்றுக்கொன்று தொடர்பு படுத்தி நான்லீனியர் விதத்தில் கதை சொல்லியிருப்பார்கள் என்று சொன்னார்.



ஐயா கார்த்தி நல்ல நாள்ளேயே ஒரு English படம்கூட பார்த்ததில்ல, ஆனால் சமீபகாலமாகதான் ஒன்றிரண்டு பார்த்து ஏதோ கொஞ்சம் தேறியிருக்கேன்.திடீர்னு மூன்று கண்டங்கற, நான்லீனியர்ங்கற என்னையா இதெல்லாம் என்றேன்.

பயப்படாதீங்க சார் என்று சொல்லிவிட்டு அப்படத்தின் கதையை பத்தே நிமிடத்தில் மிக அழகாக எடிட் செய்து கூறினார்.அதற்கு பிறகு அப்படத்தை பார்த்தேன். உண்மையில்அப்படத்தின் உணர்வுகள் என்னைத் தாக்கியது.

இடையில் அடிக்கடி தொலைபேசியில் பேசிக்கொள்வோம்.கார்த்தி பேசும் ஒவ்வொரு வார்த்தையிலும் ஒரு தாய் தன் பிள்ளைகள் மேல் வைத்த காதலைப்போல் அவர் சினிமாவில் வைத்த அன்பு அப்பட்டமாய் தெரிந்தது.

ஸ்கிரிப்ட் ரெடியாயிடுச்சு எப்ப சூட்டிங் வெச்சுக்கலாம் என்று நான் அவசரப்படுத்தய போதும், இல்ல சார் அவசரப்படாதீங்க செலவு குறைக்கிறதுக்கான எல்லா முயற்சியும் ப்ளான் பண்ணிட்டு உங்கட்ட சொல்றேன்.அதன் பிறகு எடுக்கலாம் என்று கூறினார்.


சொன்னபடியே செய்தும் காட்டினார்.மேலும் அந்த பர்ட்டிகுளர் ப்ராஜெட்டில் சினிமா ஆர்வமுள்ளவர்களுக்கு வாய்ப்பை கொடுத்து அவர்களுக்கு ஒரு பயிற்சி களத்தையும் எனக்கு செலவையும் கம்மிபண்ணிவிட்டார்.

"தி வேரியபிள்" என்ற அந்த குறும்படத்தை நாங்கள் திரையிட்ட இடத்திலெல்லாம் நல்ல அங்கீகரம் கிடைத்தது. கம்யூனிஸ்ட் கட்சி நடத்தும் "ஜனசக்தி" என்ற தினசரி பத்திரிக்கை இந்த குறும்படத்தை பார்த்து மிகச் சிறப்பான குறும்படம் என்று பாராட்டி கெளரவித்தது மனசுக்கு மகிழ்ச்சியைக் கொடுத்தது.

இந்த குறும்படத்திற்கு ஒளிப்பதிவு செய்த நண்பர் ரியாஸ், அதற்குப்பிறகு நடிகர் விஜய்நடித்த "அழகிய திருமகன்" என்ற திரைப்படத்திற்கு உதவி ஒளிப்பதிவாளராக வேலை செய்தார் என்பது எங்களுக்கெல்லாம் பெருமை. இவரைப்பற்றி சொல்வதற்கு ஏராளமான விசயங்கள் இருக்கிறது.


இந்தக் குறும்படத்தின் மூலம் ஏராளமான திறமை மிக்க இளஞர்களை எனக்கு அறிமுகம் செய்துவைத்தவர் நண்பர் கார்த்தி.


B.E படித்துமுடித்தவுடன் வேலைக்கு செல்வோம் என்று நினைக்காமல், சினிமா சம்பந்தமான படிப்பை படித்துவிட்டு தற்பொழுது சென்னையில் மிகப் பெரிய கட்டுமான நிலையத்தில் சூழ்நிலை காரணமாகவேலை பார்த்து வருகிறார்.ஆனால் அதையும் சிரத்தையோடு செய்கிறார்.


கிடைக்கும் இடைப்பட்ட நேரங்களில் இயக்கும் திறமையையும், ஸ்கிரிப்ட் திறமையையும்விடாமல் செய்து வருகிறார்.சுருக்கமாக சொன்னால் ஒரு கமர்சியலான, எளிமையான,உணர்வுபூர்வமான
உலக சினிமாவை, தமிழில்தரக்கூடிய இயக்குனராக வருவார் என்பதுதிண்ணம்.





கார்த்தி = யதார்த்தமான கதை
அதைப்பிரித்து திரைக்கதை ஆக்கும் திறமை
சாட் பை சாட் விஸ்வல் ட்ராயிங்
அனைவரையும் ஒருங்கினைந்து வேலை வாங்கும் திறமை
இதுவே கார்த்தி

மனதிற்கு தெரிந்தபடி..

மனதிற்கு தெரிந்தபடி

எடுத்த புகைப்படங்களை

இங்கே

தொகுத்துள்ளேன்.

தொகுத்தவைகளை

பார்த்துவிட்டு

கருத்துக்களை

தெரிவித்தால்

மகிழ்ச்சியடைவேன்.

http://www.flickr.com/photos/sri_10/

ஒவ்வொரு வெற்றி பெற்ற ஆணின் பின்னாடியும் ஒரு பெண் இருப்பா.

நா பணக்காரனா இருகறதால சைக்கிள் கிடைக்கல
என்னடா சொல்ற?
அரசு ஏழைக்குதானடா சைக்கிள் தருது...


எங்கப்பாவுக்கு நா மரியாத தரலேன்னு எங்க வீட்ல கோபப்பட்டதால மரியாத பண்ணேன் அதுக்கு கொல வெறியோட அடிக்க வர்றாங்கடா...
ரொம்ப அநியாயமா இருக்கே? மரியாத செஞ்சதுக்கேவா?
ஆமா நா அவர் படத்துக்கு மால போட்டு ஊதுபத்தி ஏத்தில்ல மரியாத செஞ்சேன்.????



ஒவ்வொரு வெற்றி பெற்ற ஆணின் பின்னாடியும் ஒரு பெண் இருப்பா.
எப்டி?
ஏன்னா எவன் வெற்றி பெற்றிருக்கான்னு தெரிஞ்சுகிட்டுதான கல்யானமே பண்றாங்க.

கல்யாணத்த நெனச்சாலே வெறுப்பா இருக்கு

கல்யாணத்த நெனச்சாலே வெறுப்பா இருக்கு
டேய் மாமு ரொம்பதான் அலட்டிக்கற
ஊர் சுத்துற வெட்டி ஆபீசருக்கு யார்டா பொண்ணு கொடுப்பா?

செல்வந்தரும் சந்நியாசியும்...

ஒரு மிகப்பெரிய செல்வந்தரும் ஒரு சந்நியாசியும் காரில் பயணமானார்கள்.செல்வந்தருக்கு ரொம்பவும் மகிழ்ச்சியாய் இருந்தது சந்நியாசியுடன் பயணம் செய்வது.தன் மனதில் இருந்த குறைகளையும் ஆன்மீகம் சம்பந்தமாக தனக்கு இருந்த சந்தேகங்களையும் சந்நியாசியிடம் கேட்டுக்கொண்டே வந்ததார். சந்நியாசியும் பொறுமையாக பதிலளித்துக்கொண்டே வந்தார்.

ஒரு திருப்பத்தில் கார் எரிபொருள் இல்லாமல் நின்று விட்டது. செல்வந்தரோ கடினமான வேலைகள் எதுவும் செய்து பழகாதவர். சந்நியாசி கொஞ்சமும் சங்கோஜ படாமல் அய்யா செல்வந்தரே நீங்கள் இங்கேயே இருங்கள் நான் சென்று பக்கத்தில் யாராவது உதவிக்கு கிடைப்பார்களா? என்று பார்த்து வருகிறேன் என்று கூறிவிட்டு டிக்கியை திறந்து கேனை எடுத்துக்கொண்டு சென்றார்.

அந்த இடமோ ஆள் நடமாட்டமே இல்லாத இடமாக இருந்தது. அடிக்கடி வாகனப்போக்குவரத்தும் அங்கே காணப்படவில்லை.

எப்பொழுதும் தன்னைச் சுற்றி குடும்பம், நண்பர்கள், துதி பாடுபவர்கள் என்றே பழக்கப்பட்டிருந்த செல்வந்தருக்கு முப்பதே நிமிட தனிமை வாழ்வைப்பற்றிய பயத்தைஅவரிடம் ஏற்படுத்தியிருந்தது.

முப்பது நிமிடங்கள் கழித்து வேர்வை வழிய சந்நியாசி எரிபொருளுடன் அந்த இடத்திற்கு வந்தார்.

அவரைப்பார்த்ததும் செல்வந்தர் சாமி என்னால் ஒரு அரை மணி நேரம் யாருமில்லாமல் தனிமையில் இருந்தது மிகவும் கொடுமையாய் இருந்தது.மனதில் தேவையில்லாத கற்பனைகள் எனக்கு பயத்தை ஏற்படுத்தியது. யாரும் பேச்சு துணைக்கு கூட இல்லாமல்,ஒரு வேலையும் இல்லாமல் சும்மா இருப்பது இவ்வளவு கடினமானதா? என்று வினவினார்.

புன் சிரிப்புடன் சந்நியாசி, அய்யா செல்வந்தரே உன் தொழிலில் உள்ள சிரமங்களையும், வேலைகளையும் நித்தம் செய்து உங்கள் மனதை பழக்கப்படுத்தியுள்ளீர்கள்.உண்மையில் அந்த வேலைகள்தான் கடினமானவை. ஆனால் உள்முகமாக மனதை திருப்பி தனிமையில் தன்னை உணர்வது நீ செய்து கொண்டிருக்கும் வேலையைவிட கடினமானது அல்ல.

ஆர்வமும் முனைப்பும் இருந்தால் இப்பயிற்சி மிக எளிதாய் வசப்படும் .மேலும் தனிமை இனிமையானதாய் மாறும். உன்னுடைய இந்த பயிற்சி எதையும் எதிர்கொள்ளும் பக்குவத்தைக்கொடுக்கும். யார் இருந்தாலும் இல்லாவிட்டாலும் மனது பாதிக்காது. இடைவிடாது, இடையூறு இல்லாமல் என்றுமே கிடைக்கும் இந்த ஆனந்தமும், மகிழ்ச்சியும் உனக்குள்ளேயே இருக்கிறது.

அதற்கு

தனித்திரு... விழித்திரு.

இதிலிருந்து தெரிந்துகொண்ட விசயம்

கஷ்டமான வேலைகளை எளிதாகச் செய்கிறோம்,எளிதான வேலைகளை கஷ்டமாக்குகிறோம். நம்முள்ளேயே இருக்கும் மகிழ்ச்சியை வெளியில் தேடுகிறோம்.(இதை பிளாக்கில் பதிவது உட்பட)

நேற்று இரவு சுமார் 11 மணியளவில் நண்பர் பாலபாரதி மற்றும் நவக்குமார் ஆகியோர்களுடன் பேசிக்கொண்டிருந்த பொழுது இந்த அருமையான தகவலை உணர்வுப்பூர்வமாய் தனக்கே உரிய பாணியில் ஏற்ற இறக்கங்களுடன் நண்பர் பாலபாரதி கூறினார். நல்ல விசயத்தை மனதில் விதைத்த நண்பருக்கு நன்றி.

பாருங்க.. ரசியுங்கள்.. அடித்தாலும் தப்பில்லை

திண்டுக்கல் எவ்வளவோ மாறிவிட்டது...ஆஞ்சநேயரை மனம் உருகிவேண்டிக்கொண்டால் நம் கஷ்டங்கள் அனைத்தும்

திண்டுக்கல் எவ்வளவோ மாறிவிட்டது
ஆனாலும் நாகல் நகரில் அமைந்துள்ள
சுப்பையர் சத்திரம்
இன்னும் மாறாமல்
பழமையும் தொன்மையும்
ஒருங்கே அமையப்பெற்று
விளங்குகிறது

இந்த சுப்பையர் சத்திரத்திற்கு
ஒரு நீண்ட பாரம்பரியம் உண்டு.
நல்ல ஆன்மீக அதிர்வுகள்
உள்ள இடம்
இந்த சுப்பையர் சத்திரம்.

இந்த இடத்திற்குள் நுழைந்தாலே
நம்மையும் அறியாமல்
அமைதி நம் மனதிற்குள்
குடிகொள்ளும்.

பழமை வாய்ந்த பிள்ளையாரும்
பழங்கால பட்டிய கற்களால்
ஆன திண்ணைகளும்
ஏதோ கதை சொல்லும்
ஒங்கி வளர்ந்த ஆலமரமும்
அதன் தென்றல் காற்றும்
நம்மை தாலாட்டும்.

இந்த பழமையும் பெருமையும்
வாய்ந்த இந்த இடத்தில்தான்
ஆடி ஒன்றாம் தேதி முதல்
இராமாயணச் சொற்பொழிவு
நடைபெற்றது.

கேட்போர் அனைவரையும்
தன் விசய ஞானத்தாலும்
தெய்வீகத்தினாலும்
சுந்தர ராம தீட்சிதர் அவர்கள்
இராமாயண காலத்திற்கே
சென்ற அனுபவத்தை
கிடைக்கச்செய்தார்.

சில துளிகள் இங்கே.

சுமார் 24000 சுலோகங்கள் வால்மீகி ராமாயணத்தில் உள்ளதாம்.

லோகத்துல தசரதன் ராமர் மாதிரி அப்பா பிள்ளைய பாக்குறது ரொம்ப கஷ்டம்.ராமரைப் பார்க்காமல் தசரதனுக்கு தூக்கமே வராதாம், அரை மணி நேரத்திற்கு ஒரு முறை ராமரை தசரதன் அழைத்தாலும் முகம் வாடாமல் தந்தையை ராமன் வணங்கி மரியாதை செய்யும் அழகே தனிதான்.

இந்த காலத்தில் அப்பா ஒரு முறை கூப்பிட்டு இந்த விசயத்தை முடித்துவா என்று கூறினாலே சும்மா சொன்னதையே சொல்லாதீங்கப்பா என்று உதாசீனப்படுத்துபவர்கள் தான் அதிகம். பதவி கொடுக்கிறேன் என்று கூறிவிட்டு இளய மகனுக்கு பதவி கொடுக்கிறேன் என்றால் இந்த காலத்தில் என்ன நடக்கும் என்று உங்களுக்கே தெரியும்.

ஆனால் ராமன் சித்தி கைகேயின் மூலமாக தம்பி பரதனுக்கு பட்டாபிசேகம் என்பதையும், தான் காட்டிற்கு செல்ல வேண்டும் என்பதையும் தெரிந்துகொண்டாலும் சிறிதுகூட முகவாட்டமில்லாமல் அன்னையே அப்படியே ஆகட்டும் என்றார். அந்த நிலையிலும் தன் தந்தை தசரதரின் உடல் நலக்குறைவே அவரை மிகவும் பாதித்தது.

தனக்கு பட்டாபிசேகம் என்ற விசயத்தை பரதன் கேள்வி பட்டாலும் அவரால் அதை ஏற்றுக்கொள்ள முடியவில்லை,மறுக்கிறார். இது முறையன்று என்று ராமனிடம் மன்றாடுகிறார். ஆனாலும் ராமர், பரதா... தந்தைக்குச்செய்யும் கடமையிலிருந்து தவறாதே என்று தந்தையை மட்டும் நினைத்து கவலைப்படுகிறார்.

என்னே அழகு அந்த காலங்கள், இன்றைக்கு அண்ணன் தம்பிகளிடம் இந்த நிலையைகாணமுடியுமா? அப்பா அண்ணனுக்கு மட்டும் என் 73 செல்லு, எனக்கு 1100வா? இது மட்டுமா... அவனுக்கு அண்ணாநகர்ல பிளாட் எனக்கு அரக்கோணத்திலேயா?உன் வயசுக்கு இப்படி ஒரவஞ்சன பன்னலாமா? என்று தந்தையிடம் கேட்டால் இந்த காலத்தில் அதற்கு பெயர் மரியாதை.

ராமனைத் தேடி பரதன் காட்டிற்கு வந்து எவ்வளவோ அழைத்தும் ராமர் தன் முடிவில்இருந்து மாறவில்லை. முடிவில் பரதன் அண்ணா உன் பாதுகையாவது கொடு என்று ராமரின் பாதுகையை வாங்கி தலை மேல் வைத்துக்கொண்டு நாட்டிற்கு சென்றான்.

ஆயிரம் ராமனுக்குச் சமம் பரதன் என்று வால்மீகி வர்ணிக்கிறார் ஏன்?விட்டுக்கொடுக்கும் குணமும் தர்மம் அறியும் குணமும் முறையே ராமர், பரதனிடம் இருந்துள்ளது.தன் அன்னை கைகேயின் சூழ்ச்சியால் அண்ணன் காட்டிற்குச்செல்கிறார், அதை ராமரும் ஏற்றுக்கொண்டு தம்பிக்கு முடிசூட்ட விட்டுகொடுக்கிறார்.ஆனால் பரதனோ கிடைத்தவரை லாபம் என்று எண்ணவில்லை,அண்ணா இது தர்மம் அல்ல மூத்தவர் நீங்கள்தான் அரசாள வேண்டுமென்று போராடுகிறார். இந்த குணத்திற்காகத்தான் வால்மீகி அவ்வாறு கூறினார்.

இன்னும் ஒரு விசயம்

ஆஞ்சநேயரை ராமர் என்று பார்த்தாரோ அன்றே அவரின் கஷ்டமெல்லாம் கதிரவனைக்கண்ட பனி போல் விலகிவிட்டது.அதனால் தான் நாம் ஆஞ்சநேயரை மனம் உருகிவேண்டிக்கொண்டால் நம் கஷ்டங்கள் அனைத்தும் விலகிவிடும். எந்த நாளை தொடங்கும் போதும் அவரவர் குலதெய்வத்தை வேண்டிக்கொண்டும்,ஆஞ்சநேயரை மனதில் இருத்திக்கொண்டும் வேலையை தொடங்கினால் ஜெயம் உண்டாகும்.

கூட்டத்தில் உள்ளவர்கள் தன்னை மறந்து சுந்தர்ராமதீட்சதரின் மென்மையான காந்த குரலில் ராமாயணத்தை சுப்பையர் சத்திரத்தில் கேட்டுக்கொண்டிருந்தனர்.

பல ஆன்மீக பெரியவர்களால் பலமுறை ராமாயணச்சொற்பொழிவை கேட்டிருந்தாலும்சுந்தராம தீட்சதரின் கதை சொல்லும் பாணி அனைத்து தரப்பினரையும் கட்டிபோட்டிருந்தது.

கதைகளின் இடையே கிளைக்கதைகளும், கதைக்கு சம்பந்தமான தற்கால நடைமுறைகளையும் அழகுறச்சொல்லி கேட்பவர் மனங்களை சிந்திக்கச் செய்கிறார்.

எந்த நாட்டிற்கும் வந்து சொற்பொழிவை அழகுற நடத்தி கேட்பவர் இல்லங்களில் மகிழ்ச்சி பொங்க இராமாயணம் சொல்ல சுந்தர்ராம தீட்சதரை அனுகலாம்.
அவரின் அலை பேசி எண்: 9444230084.

ஆரஞ்ச உங்க அக்காவாடா சாப்பட்டா?

ஆப்பிள் கிலோ 120ரூபாயாம்
அதுக்கு நீ ஏ கவலப்படுற மச்சான்?
இல்ல அக்காவுக்கு ரொம்ப புடிக்குமேன்னுதா...
போன வாரம் வாங்கன ஆரஞ்ச உங்க அக்காவாடா சாப்பட்டா?அக்காவுக்கு சளினாலதான் அத கஷ்டப்பட்டு சாப்பிட வேண்டியதா போச்சு
ஏ தியாகத்த என்னிக்கு நீங்க புரிஞ்சுகிட்டீங்க?
ஒரு அரை கிலோ ஆப்பிள் போடுங்க.
டேய்ய்ய்ய்ய்ய்......



சார் இந்த 6300 நோக்கியா என்ன விலை?
8000ரூபா
அந்த சோனி எரிக்சன்?
12000ரூபா
புளூடூத்?
இருக்கு.
கேமரா?
அதுவும் இருக்கு.
எம்.பி.3?
இருக்கு சார்
சார் கைமாத்து 1000ரூபா இருக்குமா?
அதுவும் இருக்கு (ஏதோ ஞாபகத்தில்).

பொண்டாட்டிக்கு ரொம்ப பயப்படுவேன் நீங்க?

நா நெனச்சா உன் பிசாத்து பணம் 5000த்த இப்பவேகொடுக்கமுடியும்
அப்ப கொடு
நா நெனச்சாத்தானே!


நா ஏ பொண்டாட்டிக்கு ரொம்ப பயப்படுவேன் நீங்க?
நா ஏ சார் உங்க பொண்டாட்டிக்கு பயப்படனும்.

சிங்கிள் டீ குடிக்க வெக்கமா இல்லையா ..

சம்பாரிக்காம சிங்கிள் டீ குடிக்க வெக்கமா இல்லையா உனக்குன்னு எங்கப்பா கேட்டுட்டார்
அப்புறம்?
வேறென்ன ரோசத்துல காபிய குடுச்சுட்டு வந்துட்டேன்.



சிக்கனமா இருந்ததுக்கு ஏ பொண்டாட்டி திட்றா
ஏன்டா?
அவ நெக்லஸ அடகு கடையில வச்சா வட்டி கூடன்னு பேங்ல வெச்சேன்.

ரீசார்ஜ் பண்ணவே முடியலடா மாப்பள..

எங்க வீட்ல கிளி மாதிரி பொண்ணு பாத்திருக்காங்க

ஏ மனுசங்க வீட்ல பொண்ணு கிடைக்கலையா?



ரீசார்ஜ் பண்ணவே முடியலடா மாப்பள

ஏன்டா?

அதுக்கு செல் வேணும்ல.

இன்னிக்கு ஒரு பேச்சு

நான் கொடுத்த 100ரூபாய இன்னிக்காவது கொடு

நாளைக்கு தர்றேன்

நேத்தும் இதேதானே சொன்ன

எனக்கு, இன்னிக்கு ஒரு பேச்சு நாளைக்கு ஒரு பேச்சு கிடையாது.

ஆனந்த விகடனை ஆர்வத்துடன் பார்த்தேன்...

புது விகடன் பளபளப்பாக இருந்த அளவுக்கு விசயம் உள்ளதாக இருக்கிறதா என்றால் ம்ம்ம்ம்... சந்தேகம்தான்.

93ம் பக்கத்தில் சாட்டடேஇரவு இளம் பெண்கள் எந்த எந்தநட்சத்திர விடுதிகளில் ஆட்டம்,பாட்டம், கொண்டாட்டமாய்இருக்கலாம் என்று ஒரு லிஸ்ட் கொடுத்திருந்தார்கள்.பிரசுரித்திருந்த படங்களும் உண்மையில் நாம் படிப்பதுவிகடன்தானா? என்ற சந்தேகம் எழுந்தது.

யூத் ஸ்பெசல் கேள்வியும் நானே பதிலும் நானே

போன்றவைகள் நன்றாய் இருந்தது.

(அதிலும் அசைவம் ஜாஸ்திதான்).

30 லிருந்து 40 வயதிற்குள் உள்ளவர்களால்குடும்ப பொறுப்புகளினால் வார,மாத பத்திரிக்கைகளைபடிக்க முடியாத சூழ்நிலை உள்ளது போல,இளைய தலைமுறையினரும் படிக்கும் பழக்கத்தையேமறந்துவிட்டனர்.

உணர்வுகளை கொட்டியெழுதும் கடிதங்களேஇன்றைய தலைமுறை மட்டுமல்லயாவரும் மறந்த நிலைதான் தற்சமயம் உள்ளது.

என்ன ரமேஷ்?
என்று எடுத்த எடுப்பிலேயே பெயரைச் சொல்லி விடுகிறார்கள் இருக்கும் கொஞ்சநஞ்ச சுவாரஷ்யமும்போய்விடுகிறது அலை பேசியில்.

விகடன் முற்றிலும் இளயதலைமுறையினரைசென்றடையவேண்டும் என்ற நோக்கில் லேஅவுட் முதல் விசயங்கள் வரை மாற்றியுள்ளார்கள்.

இன்டர்நெட் யுகத்தில் இருக்கும் இளயதலைமுறையினரைஇந்த புதிய விகடன் கவருமா?நடுத்தர வயதில் உள்ளவர்களையும் தக்கவைத்துக்கொள்ளுமா?

பொறுத்திருந்துதான் பார்க்கவேண்டும்.

திண்டுக்கல் ரயில்வே ஸ்டேசனும்...ஆனந்த விகடனும்...

இவன 2 மணிநேரம் வச்சுக்க முடியுமா?

என்று என் இல்லத்தலைவி கேட்க,

ஏம்மா?

நாங்க ரெண்டு பேரும் சுப்பையர் சத்திரத்தில் சுந்தர ராம தீட்சிதரின் இராமாயண சொற்பொழிவை கேட்க போறோம் என்றனர்.

முடியாது என்று சொன்னால் அடுத்து என்ன நடக்கும் என்று தெரியாதா?

புன்சிரிப்புடன் சரி என்று தலையாட்டினேன்.


திண்டுக்கல் ரயில்வே ஸ்டேசன்


அப்பா..பா..பா..
திறந்த வெளியில் கிடைத்த சந்தோசத்தில் என் புத்திரன் தன் ஆற்றல் முழுவதையும் உபயோகித்து ஆனந்த கூச்சலிட்டான்.

அவனின் அளவு கடந்த ஆற்றல் என்னை,
2 மணிநேரம் இவனை எப்படி சமாளிக்கப்போகிறோமோ?
என்று பயம் கொள்ளவைத்தது.

ப்ளாட் பார்ம் டிக்கட் எடுத்துக்கொண்டு 2 வது ப்ளாட் பாரத்தில் பைய நடையைக்கட்டினோம்.

தூத்துக்குடி மைசூர் எக்ஸ்ப்ரஸ் மற்றும் அதைத்தொடர்ந்து கன்னியாகுமரி, பாண்டியன் எக்ஸ்ப்ரஸ்வரும் நேரமாதலால் பயணிகளின் கூட்டம் அதிகமாய் இருந்தது.

என் பையனுக்கு தண்டவாளத்தைப் பார்த்ததுமே குஷி வந்துவிட்டது.கூடியிருந்த பயணிகளையும்,அங்கு விளையாடிக் கொண்டிருந்த குழந்தைகளையும் ஆர்வமுடன் பார்த்துக்கொண்டே வந்தான்.

இரட்டை மனநிலையில் இவற்றைக் கவனித்துக்கொண்டே
வந்த நான் அங்குள்ள புத்தகநிலையத்தில் அழகுற தொங்கிக்கொண்டிருந்த புது வடிவமைப்பில் உள்ள
ஆனந்த விகடனை ஆர்வத்துடன் பார்த்தேன்...

மீதி அடுத்த பதிவில்.

பகவான் ஸ்ரீரமண மஹரிஷி பற்றி ரஜினி

ஸ்ரீரமண மஹரிஷி மேல் நடிகர் ரஜினி அவர்களுக்கு ஆழ்ந்த பற்றும் பிடிப்பும் உண்டு. நான் யார்? என்னும் கேள்வியை மனதிற்குள் விதைத்து ரஜினியின் மனஅமைதிக்கு வித்திட்டவர்.



வெளிநாட்டில் நடந்த கலை விழாவில் பகவானைப் பற்றி ரஜினி மனம் திறந்து பேசும் ஒரு வீடியோ காட்சி. இதை அழகாக தொகுத்த என் நண்பர் திரு.பாலபாரதிக்கு என்நன்றிகள். .

திருவண்ணாமலை செல்லும் வாய்ப்பு உங்களுக்கு கிடைக்கும் பட்சத்தில் பகவான் ஸ்ரீரமண மஹரிஷியின் ஆசிரமத்திற்கு சென்று பாருங்கள், அங்குள்ள அமைதியான சூழ்நிலையும், தெய்வீகப் பாடல்களும், அங்கு நிறைந்திருக்கும் நல்ல அதிர்வுகளும், நம்மைஅமைதிப்படுத்தும் என்பது உண்மை.

http://www.youtube.com/watch?v=5WLI2rcV9Ig

சேரத் தமிழ்...

சேரத் தமிழ் -எர்ணாகுளத்திலிருந்து வெளிவரும் இந்த காலாண்டு தமிழ் இலக்கிய இதழ் மிகவும் அருமையாக உள்ளது. அருமையான தலையங்கம், சிந்திக்க வைக்கும் கட்டுரைகள் மற்றும் கவிதைகள் இவ்விதழுக்கு சிறப்பு சேர்க்கின்றன.

படைப்புகள்

உயிருள்ளவையாக

இருக்கவேண்டும்

என்பதற்காகக்

குழந்தைகளையா படைப்பது? - இது ஒரு சோறு பதம்.

சமீபத்திய ஜனவரி - மார்ச் 2008 இதழைப் படிக்க நேர்ந்தது. அதில் மு.முரளீதரன் எழுதிய ''பத்தும் ஆறும் பதினேழு'' என்ற கட்டுரை மிக அருமையாக இருந்தது.

அக் கட்டுரையில் ''கடிதம் எழுதும் பழக்கமே காணாமல் போய்விட்டது. உறவையோ நட்பையோ, நேரில் சென்று பார்த்து, பேசிப்பழகி மகிழ்ந்த காலமும் என்றோ மலையேறிவிட்டது'' என்று கடிதம் எழுதும் பழக்கம் மறைந்த சோகத்தை அருமையாக பதிவு செய்திருந்தார்.

இன்னும் சிறு சிறு துணுக்குகள் வெகு அற்புதமாக மேற்படி சேரத்தமிழில் உள்ளது.

இவ்விதழின் ஆசிரியர் திரு.அ.சொ.சிவப்பிரகாசம் தமிழுக்கு தன்னால் ஆன தொண்டை எவ்வித பிரதிபலனும் எதிர்பார்க்காமல் செய்து வருகிறார். நேரிய பார்வையும், நகைச்சுவை உணர்வும் கொண்டவர்.

நல்ல தமிழ் எங்கிருந்தாலும் அதை உலகுக்கு எடுத்துச்சொல்ல மிகவும் விரும்புபவர்.

உங்கள் நல்ல படைப்புகளை மின் அஞ்சலில் அவருக்கு அனுப்பிவைத்தால் சிறந்தவற்றை பிரசுரிக்க காத்திருக்கிறார்.
மின் அஞ்சல் முகவரி: srae@satyam.net.in.

மதுரை தியாகராஜர் பொறியியல் கல்லூரியில்...

திருச்சி... திருச்சி... திருச்சி... என்று அடித்தொண்டையில் கத்திக்கொண்டிருந்தான் அந்த சொகுசு பஸ்ஸின் ஏஜெண்ட்.

அண்ணா நகரில் இருந்து கோயம்பேடு வந்திறங்கிய ஸ்ரீராம் நேரே அந்த ஏஜெண்டிடம் திருச்சிக்கு எவ்வளவுப்பா?

அந்த நிமிடமே கிளம்புவதுபோல் கடந்த ஒரு மணிநேரமாக உறுமிக்கொண்டிருந்த சொகுசு பேருந்து ஸ்ரீராமைப்பார்த்ததும் ஒரு ஸ்பெசல் உறுமல் உறுமி லேசாக நகர்ந்தது.

என்ன சார் நீங்க... சீக்கிரம் ஏறுங்க 350ரூபா தான் என்று அவசரப்படுத்தினான் ஏஜெண்ட்.

இடியே விழுந்தாலும் சிறிதுகூட பதற்றப்படாத ஸ்ரீராம், கொஞ்சம்கூட முகத்தில் உணர்ச்சியே காட்டாமல் இருந்தான்.

பாதி இட்லி உள்ளேயும் மறு பாதி இட்லி வாய்க்கு வெளியேயும் இருந்தபடி பதறிவரும் பயணிகளை ஏமாற்றி அவர்களின் பதற்றத்தையும் அவசரத்தையும் காசாக்கியே பழகிப் போன ஏஜெண்டுக்கு ஸ்ரீராமின் உணர்ச்சி காட்டாத முகத்தைப்பார்த்ததும் பார்ட்டி மிஸ்ஸாயிடுமோ என்ற பயம் கிளம்பியது.

இண்டர்நேசனல் ஏர்ப்போட்டிலேயே ப்ளைட்டில் குத்தாலம் துண்டைப்போட்டு இடம் பிடித்து பக்கதில் உள்ள பிகரிடம் தங்கமணி கடலை மிட்டாயைக்கொடுத்துவிட்டு ஏர்கோஸ்டஸ் பிகருக்கு கொடுத்த பாரின் சாக்லேட்டை அமுக்கியவன் ஸ்ரீராம்.

அதுமட்டுமல்ல லண்டனுக்கு ஒருமுறை சென்றிருந்தபோது தேம்ஸ் நதிக்கரையில்ஆப்பம் சுட்டு வித்து ஆயிரம் பவுண்டை அனாவசியமாய் சம்பாதித்தவன். அமெரிக்காவில்நடுரோட்டில் நுங்கு வண்டி ஒட்டி வெள்ளைக்காரிகளை அலற வைத்தவன்.

மதுரை தியாகராஜர் பொறியியல் கல்லூரியில் படித்துக்கொண்டிருந்த போது நண்பர்களை டூர் கூட்டிபபோகிறேன் என்று சொல்லி 4000ரூபாய் வசூலித்துவிட்டு நண்பர்கள் நால்வரையும் குதிரை வண்டியில் ஏற்றினான்.

அதில் ஒருவன் சந்தேகத்துடன் ஏம்பபா ஏ.சி வண்டியிலேல கூட்டிப்போறேன என்றதற்கு இன்னொருவன் நல்லா பார்றா நாலாபுறமும் திறந்திருக்குல்ல,ஏதோ இந்த டூர்ல உதைக்கிதே என்றவனை குதிரைப்பக்கத்திலே உக்காந்தா உதைக்காம முத்தமா குடுக்கும் என்றான். சலனமே இல்லாமல் அனைத்தையும் கேட்டுக்கொண்டிருந்த ஸ்ரீராம் இறங்குங்க இறங்குங்க ஸ்பாட் வந்திருச்சு என்றான்.

முதலில் குதிரை வண்டியிலிருந்து குதித்த ஒருவன் சடாரென்று மயங்கி விழுந்தான் அவனின் 95கிலோ எடை அடுத்து குதித்தவனின் காலைப்பதம் பார்க்க அந்த ஏரியாவே குலுங்க முருகா என்று அலறினான்.

மயங்கி விழுந்தவன் லேசாக திரும்பி அங்கதாண்டா வந்திருக்கோம் என்றான். குதிரை வண்டியின் முன்னால் உட்கார்ந்திருந்தவன் லேசாக எம்பிப்பார்த்தான், பார்த்த வேகத்திலே உள்ளே இருந்தவனிடம் உச்சஸ்தனியில் மாப்ளேளள...இது திருப்பறங்குன்றம்டா.. அவன் கத்திய வேகத்தில் குதிரை பயத்தில் மிரண்டு பஞ்சாய்ப்பறந்தது.

அதுவரையில் தெழுங்கு படத்தில் மட்டுமே ஸேஸ் சீன்களைப் பார்த்துப்பழகிய அவர்களுக்கு நிஜத்தில் நடக்கும் இந்த ரேசால் அவர்கள் இதயம் லப் டப் லப் டப் என்று உதறியது.

அரைமணிநேர போராட்டத்திற்கு பிறகு குதிரை பக்கத்தில் உள்ள பாத்திரக்கடையில் அவர்களை தள்ளியது.

இப்படியாக திருப்பறங்குன்றத்திற்கு டூர் கூட்டிசென்று வாழைப்பழமும் தேங்காயும் வாங்கிக்கொடுத்துவிட்டு இந்தாங்கடா டூர் செலவு போக மீதி 2.50பைசா என்றவனை கடுப்புடன் இது உனக்கே நல்லாயிருக்கா? என்றவனிடம் என்னபண்றது குதிரை வண்டிக்கு வாடகை 250ரூபா தான்.. ஆனா குதிரைக்கு வைத்தியத்திற்கும்,வண்டி ரிப்பேர் செலவுக்கும் 3737.50பைசா ஆயிருச்சு என்று சொல்லிவிட்டு, இதற்கு பிராயசித்தமா அடுத்த மாசம் உங்க எல்லாரையும் குற்றாலம் கூட்டிட்டு போறேன் என்றதைக்கேட்டதும், அலறி ஒட்டம் பிடித்தனர்.

சார்ர்.. ஏர்ரீங்களா இல்லையா? என்ற ஏஜெண்டிடம் 50ரூபாதானப்பா திருச்சிக்கு

என்ன சார் நீங்க... படிச்சவர் நீங்களே இப்படி பேசினா எப்படி சார்... என்று இழுத்தான்.

இது சீசனே இல்லாத டைம், எப்படியும் பத்து பேர்தான் உள்ள இருக்காங்க, நா வர்றதால உங்களுக்கு லாபம்தான் என்ன சொல்ற என்றான்.

அப்படி இப்படிப் பேசி முடிவில் 100ரூபாய்க்கு ஒத்துக்கொண்டான்.
சந்தோசமாய் பஸ்ஸின் உள்ளே ஏறி இருக்கையில் அமர்ந்து அருகே திரும்பிப்பார்த்தான், டேய் சந்தோஷ் என்று மகிழ்ச்சியாய் கத்தினான். 95கிலோ எடையுள்ள சந்தோஷ்சும் டேய் மச்சான் எப்டிடா இருக்க என்று பல கதைகள் பேசி மகிழ்ந்தனர்.

திருச்சிக்கு எவ்வளவு ரூபாடா கொடுத்த என்ற ஸ்ரீராமிடம் 350ரூபா தான் கொடுத்தேன் என்றான் சந்தோஷ்.
ஏமாந்துட்டியேடா மச்சான் நான் 100ரூபா தான் கொடுத்தேன்,

அதற்கு பிறகு ஸ்ரீராம் பேசிய எந்த வார்த்தையும் சந்தோஷ்ற்கு கேட்கவே இல்லை.

முன் சீட்டில் உள்ள ஒருவர் ஆஆஆ...என்று அலறினார் காரணம் அவர் 450ரூபா கொடுத்ததினால் என்ற விசயம் இவர்கள் இருவருக்கும் தெரிந்திருக்க நியாயமில்லை.

சொல்லாத அன்பு

'இனி உங்களோட எனக்கு பேச்சுவார்த்தையே கிடையாது' 'அப்படி ஒன்றும் நாங்களும் வெக்கங்கெட்டுப்போகல உன்னோட பேசுறதுக்கு'இப்படி நம் குடுபங்களில் அம்மா-பெண், அக்கா-தங்கை, அண்ணன்-தம்பி என்று ஏதோ ஒரு வகையில் பிரச்சனை வருவது சகஜம். யார் முதலில் இறங்கிப்பேசுவது என்ற ஈகோவினால், தலைமுறைத் தலைமுறையாகப் பேசாமலே போய்விட்ட குடும்பங்கள் எத்தனையோ?

கோபப்பட்டு பேசுவதோ, உணர்ச்சிவசப்பட்டு பேசுவதோ தப்பல்ல,னால் அதற்குபின் சிறிதே சிந்தித்து கொஞ்சம் இறங்கிப்பேசினால் எவ்வளவோ விசயங்களை சாதிக்கலாம். 'நான்' என்னும் அகங்காரம்உறவுகளை சின்னாபின்னமாக்குகிறது. இந்த 'நான்' னால் எத்தனையோ குடும்பங்கள் கோர்ட் வளாகங்களில் சிதைந்து போகின்றன.

'என்ன லதா உன் பையன் அமெரிக்கா போயிட்டானாம்ல உனக்கென்ன பணத்துக்கு பிக்கலா பிடுங்கலா?' என்று மறைமுகமாய் ஏகப்பெருமூச்சுவிடும் தன் தங்கையை,ஏண்டி நீ அவனப் பார்த்துகிட்டமாதிரி நா கூட பாத்துக்கல, ரா பகலா கண்ணுமுழிச்சு சின்ன வயசுல அவனுக்கு வேண்டியதை நீதான் செஞ்ச அவன் இன்னிக்கு இந்த நிலமைக்கு வந்திருக்கான்னா அதுக்கு நீதான் காரணம். நீ இல்லாம ஒரு வளர்ச்சி கண்டிப்பா சாத்தியமில்லை'. என்று லதா சொல்லியிருந்தால் பிரச்சனைக்கே வாய்ப்பில்லை.

தன் இன்னொரு தங்கையிடம் லதா,'என் மகன் அமெரிக்கா போறதுக்கு இவ வயிறு எரியறா பணம் மட்டும் இருந்தா போதுமா?. எவ்வளவு கஷ்டப்பட்டிருப்பான் இந்த 2 நாளா, எழுந்திருக்க முடியாம வைரஸ் காய்ச்சல்ல விழுந்திட்டான்'. இந்த விசயம் சரியான புரிந்துகொள்ளும் தன்மையோ பக்குவமாக எடுத்துச்சொல்லும் தன்மையோ இல்லாத காரணத்தினால் விசயம் பெரிதாகி, இப்பொழுது இருவருக்குள்ளும் பேச்சுவார்த்தையே இல்லை.

இந்த விசயம் முடிந்த பிறகு யாராவது ஒருவர் இறங்கிப் பேசியிருந்தால் அந்தக் குடும்பம் மிகச் சந்தோசமாக இருந்திருக்கும்.

ஒருவர் மேல் நீங்கள் அன்பை வைத்திருந்தால் அதை மூடிவைப்பதால் எந்த பிரயோஜனமும் இல்லை.சொல்லாத அன்பு அப்பா-மகனாக இருந்தாலும், கணவன்-மனைவியாக இருந்தாலும், நண்பர்களாக இருந்தாலும் தெரியாமலேயே போய் அந்த அன்பு உணரப்படாமலேயே முடிந்துவிடும். எங்கு இல்லைபிரச்சனை?.

எத்தனைப்பிரச்சனைகள் வந்தாலும் அதைஎதிர்கொள்ளவேண்டும். நெருங்கிய சொந்தங்களில் கோபம் வந்தாலும் வெளிப்படுத்துவதும் தப்பில்லை.ஆனால் அதன்பின் சிந்தித்து சிறிதே இறங்கிப்பேசினால் அவர்கள் தங்கள் தப்பை கண்டிப்பாய் உணர்வார்கள். சொந்தமும் உயிர் பிழைக்கும்.

நம்முடைய வாழ்நாள் 100 வயது என்று கொண்டாலும் 36500 நாட்கள் மட்டுமே, ஒருவரின் வயது இப்பொழுது 30 என்று கொண்டாலும் 10950 நாட்கள் சென்றுவிட்டது. மீதம் 25550 நாட்கள்தான். இந்த குறுகிய வாழ்க்கையில் எவ்வளவுக்கெவ்வளவு அன்பை விதைக்க முடியுமோ, அவ்வளவுக்கவ்வளவு விதைத்து விடுவோம். வாழ்வில் சுற்றம் மற்றும் நட்புடன் மகிழ்ச்சியாய் களிப்போம்.'நான்' என்ற அகந்தையை அழிப்போம்.

''அன்புஈனும் ஆர்வம் உடைமை அதுஈனும்

நண்புஎன்னும் நாடாச் சிறப்பு''

எனும் குறள் வழி வாழ்வோம்.

சின்ன சின்ன சந்தோஷங்கள்

கூகுல் சர்ச்சில் ராஜா சொக்கலிங்கம் பிளாக்கர்ஸ் என்று போட்டதில் 'ஹலோ சவுக்கியமா' என்று ஒரு டைட்டில் கிடைத்தது. ஆர்வமுடன் அதை சொடுக்கியதில் கெளரி சங்கர் என்ற எதார்த்த இளஞனின் வலைப்பதிவு படிக்க நேர்ந்தது. மிகச் சிறப்பாக எண்ணங்களை வெகு அழகாக எளிய நடையில் பதித்திருந்தார் அந்த இளஞர்.அலட்டல் இல்லாமல் அட்டகாசமாய் எழுதும் கெளரி சங்கரின் கலைத்திறமை வளர வாழ்த்துகிறேன்.

சும்மா இருக்க முடியாமல் என் பாட்டியின் பேச்சை எப்பொழுதோ செல்லில் பதிவு செய்து வைத்திருந்ததை என் பாட்டியின் மறைவுக்குப்பின் கேட்டபொழுது அவர்களின் குரல் என்னை என்னவோ செய்தது.என் பாட்டியின் பேச்சை என் சித்திபையன் சக்திக்கும், மாமாபையன் வள்ளியப்பனுக்கும் மெயிலில் அனுப்பிவைத்தேன். திடீரென்று ஒரு நாள் ஆர்குட்டில் அழைத்த போது ஸ்கிராப் ப்றம் சக்தி என்று வந்ததை கிளிக் செய்தேன். என் தம்பி சக்தியின் குறுஞ்செய்தி என் மனதெங்கும் மகிழ்ச்சி வெள்ளத்தைப் பரப்பியது.

ஒருவரை ஒருவர் தொடர்பு கொள்வதில்தான் எவ்வளவு சந்தோசம்.19:03:08 புதன்கிழமை அன்று ஒரு கேஸ் விசயமாக நீதிமன்றத்தில் நின்றிருந்தேன். தொடர்ந்து என் அழைப்பேசிக்கு அழைப்புகள் வந்தவண்ணம் இருந்தன. காரணம் அன்று ஜனசக்தி தினசரிப்பேப்பரில் நாங்கள் தயாரித்த "தி வேரியபிள்ஸ்" என்ற குறும்படத்தின் விமர்சனம் வந்திருந்ததுதான்.குறிப்பாக என்னுடைய மகிழ்ச்சிக்குகாரணம் அந்தப் படத்தை இயக்கிய கார்த்திகேய மணிகண்டனைப் பராட்டி எழுதியதுதான். மிகச்சைறப்பான இளஞர். உலகத் திரைப்படங்களை அவர் அலசும் விதமும்,ஸ்கிரிப்ட் எழுதும் நேர்த்தியும் வியக்கத்தக்கன. கண்டிப்பாய்த் திரையுலகில் நல்ல இயக்குனராய் முத்திரைப்பதிப்பார்.

கண்ணுக்குத் தெரியாமல் எத்தனை எத்தனை இளஞர்கள் இந்த உலகத்தில் சாதிக்க காத்திருக்கிறார்களோ?

நாகரிகத்தின் பிடியில் நாணயத்தை இழக்கலாமா?

பத்து ஆண்டுகளுக்கு முன்புவரை, படித்து பட்டதாரியாவது, ஐந்திலக்க சம்பளத்தில் ஒரு வேலையைத் தேடிக்கொள்வது, வீட்டு வேலைகளை செய்து கொண்டும், குழந்தைகளைப் பார்த்துக் கொண்டும் தன் தாய் தந்தையரை கவனித்துக்கொண்டும் வீட்டோடு இருக்கக்கூடிய ஒரு பெண்ணை மணந்து கொள்வது, அதிகபட்சம் சொந்தமாக ஒருவீடு வாங்குவது, வாழ்க்கையை இந்த அளவில் சந்தோசமாக வாழ்வது...இதுவே படித்தஇளைஞர்களின் கனவாகவே இருந்து வந்தது.

அந்நிய முதலீடுகள் இந்தியாவில் அனுமதிக்கப்பட்டதன் விளைவாக பன்னாட்டு நிறுவனங்கள் இந்தியாவிற்குள் படையெடுக்கத் தொடங்கியவுடன் மேற்கூறிய இளைஞனின்
கனவுகளில் மாற்றங்கள் ஏற்பட்டுள்ளன. டிகிரி முடிக்கிறோமோ இல்லையோ, ஆங்கிலப்புலமையிருந்தால் போதும், இருகை நீட்டி வரவேற்க நகரின் பிபிஓக்களும் தயாராகஉள்ளன.

ஆண்களும், பெண்களும் போட்டி போட்டுக்கொண்டு தேர்ந்தெடுக்கும் இந்த வேலைகளில் கைநிறைய சம்பளம் கிடைத்துவிடுகிறது. அவர்களின் கற்பனைக்கு எட்டாத உயரத்தில் இந்நிறுவனங்கள் இவர்களை நிறுத்தி வைத்து வேடிக்கைப் பார்க்கின்றன. இதற்குகாரணம், வெளிநாடுகளில் இந்த வேலைகளுக்கு அளவுக்கதிகமான முதலீடு செய்ய
வேண்டும். இந்தியா போன்ற வளர்ந்துவரும் நாடுகளில் இந்த வேலைக்கான முதலீடு குறைவே.

கல்லூரி, பள்ளிநாட்களில் ஐந்திற்கும் பத்திற்கும் பெற்றோரின் கையை எதிர்பார்த்துவாழும் இளைஞர்களின் கைகளில் அளவுக்கதிகமான பணம் கிடைக்கும்போது, அது அவர்களின் வாழ்கைப் பாதையை மாற்றி அமைக்கிறது. கூடவே ஆங்கில மோகமும் இணைந்து கொள்ள இரண்டும் சேர்ந்து அமைதியான சந்தோசமான வாழ்க்கை என்றகொள்கை மாறி, எங்கேயும் எப்போதும் சந்தோஷம் என்ற நிலைக்கு இளைஞர்கள்
செல்ல ஒரு காரணமாக அமைந்துவிடுகிறது.

தலைமுறை இடைவெளிகளும் போட்டிபோட்டுக்கொண்டு, அனுபவங்களுக்கு முக்கியத்துவம் தராத மனநிலைக்கு அவர்களைத்தள்ளுகிறது. இதனால் பெற்றோர்கள் பிள்ளைகளின் நல்வாழ்க்கைக்காக கூறும் எந்த ஆலோசனைகளையும் காதில், போட்டுக்கொள்ளாத நிலையும் அவர்களுக்கு வந்துவிடுகிறது.

பெரும்பாலும் இரவு நேரங்களில் அதிகமாக செயல்படும் இந்த நிறுவனங்கள், வார இறுதியில் அநேகமாக விடுமுறை அளித்துவிடுகிறது. இதனால் நகரங்களில் 'வீக்எண்ட்பார்ட்டிகளும்' அதிகரித்து வருகின்றன.

சமூகக் கட்டுப்பாடுகளை வெட்டியெறிந்துவிட்டு, வெளிநாட்டு மோகத்தில் ஆண் பெண்வித்தியாசமின்றி பழகும் அவர்கள் திருமணத்திற்கு முன்பே உடல் உறவில் ஈடுபடுவதாகவும் அதன் காரணமாக கருக்கலைப்புகள் அதிகருத்துள்ளதாகவும் ஆய்வு முடிவுகள் தெரிவிக்கின்றன. எந்த அளவிற்கு தகவல் தொழில்நுட்பத்தில் உலக நாடுகளுக்குஇணையாக வளர்ந்து வருகிறோமோ அந்த அளவிற்கு எய்ட்ஸ் நோயால் பாதிக்கப்பட்டோர் எண்ணிக்கையிலும் உயர்ந்துகொண்டே செல்லும் அபாயமும் ஏற்பட்டுள்ளது.

இத்தகைய கலாச்சார மாற்றங்களினால், இளையதலைமுறையினர் பாதிக்கப்பட்டுள்ளதற்கு சமீபகால சம்பவங்கள் உதாரணமாக உள்ளது. பெண்களும் ஆண்களும் இரவுபகல் பாராமல் தங்கள் வேலை நேரங்களை அமைத்துக் கொள்வதன் மூலம் பல பாலியல் வன்முறை மற்றும் கொலைச் சம்பவங்களும் நடந்தவண்ணம் உள்ளன. இரவில்தன்னந்தனியாக வாகனங்களில் செல்ல வேண்டிய கட்டாயத்திற்கு ஆளாகும் பெண்கள்பற்றிய செய்திகள் நம்மை கலக்கமுறச்செய்கின்றன.

மேலும் இத்தகைய பணிகளில் உள்ளவர்கள் மனரீதியான மற்றும் உடல்ரீதியான நோய்களுக்கு உள்ளாவதும் சமூக அச்சுறுத்தல்களில் ஒன்றாக உள்ளது.

கணினி தொடர்பான இத்தகைய வேலை வாய்ப்புகளால், இலக்கியம் உள்ளிட்ட பல்வேறு துறைளில் தங்கள் வாழ்க்கைப் பாதையை அமைத்துக்கொள்ளும் விருப்பம்இளையதலைமுறையினருக்கு இல்லாமல் போய்விட்டது. பெருகிவரும் வேலைவாய்ப்புகளால் வளரும் குழந்தைகளும் சிறு வயதிலேயே கம்ப்யூட்டர் கற்றுக்கொள்ளவே பெற்றோர்களால் வலியுறுத்தப்படுகின்றனர். இதனால் கலைசார்ந்த அறிவினையும், அழகியல்களையும், பண்டைய மக்கள் நமக்காக தேடித்தந்த ஆனந்தங்களையும் இழந்து, உடல் உழைப்புடன் கூடிய விளையாட்டுகளையும், தங்கள் குழந்தமையையும் தொலைக்கும்நிலைக்கு அவர்கள் ஆளாகின்றனர்

இந்த விதமான தாக்கத்தை சமீபத்தில் தமிழில் வெளியான 'கற்றது தமிழ்' என்ற திரைப்படமும் வலியுறுத்தியது. பன்னெடுங்காலமாக இந்த மண்ணில் வேறூன்றிய தமிழால்எளிதாக பெறமுடியாத செல்வத்தையும், பதவி மற்றும் சொகுசான வாழ்க்கையையும்இருபது ஆண்டுகளுக்கு முன்பு வந்த கம்ப்யூட்டர் கொடுப்பதைப் பற்றிய ஏராளமான
தமிழிலக்கிய மாணவர்களின் குமுறல் அந்தத் திரைப்படத்தில் வெளிப்படுத்தப்பட்டது.

தகவல் தொழில்நுட்பம் சம்பந்தப்பட்ட வேலைகளினால் வாழ்க்கைச் சூழல்களில் மாற்
றத்திற்கு உட்படுபவர்களால் பாதிக்கப்படுவது, இதில் சிறிதும் சம்பந்தப்படாதவேறொரு வாழ்க்கைச் சூழலில் வாழ நேரும் நடுத்தர வர்க்கத்தினரே, இத்தகைய்யோரது செல்வக் குவிப்பினால் ஏறும் பொருட்களின் விலைவாசி, வீட்டுவடகைகள் மற்றும் மனைகள்-கட்டடங்களின் விலைஉயர்வு போன்றவை இவர்களை நிலைகுலைய வைத்து வாழ்கையின் விளிம்பில் நிற்க வைத்துவிடுகிறது.

எதிலும் மாற்றத்தை விரும்பும் இளைய தலைமுறையினர் தங்களுடைய விருப்பங்களைமாற்றிக் கொள்வதன் மூலமே இத்தகைய வாழ்க்கை முறைகளில் மாற்றங்கள் ஏற்படும். சமூக அநீதிக்கு எதிராக ரெளத்திரம் பழகவேண்டிய வயதில் தீய பழக்கவழக்கங்க
ளைப்பழகுவதை விடுத்து தங்கள் நாட்டங்களை வாழ்வின் உண்மையான சந்தோஷங்களின்பால் மேம்படுத்தவும், இலக்கிய சிந்தனைகளை வளப்படுத்திக்கொள்ளவும் தலைப்பட்டால் மட்டுமே ஆரோக்கியமான கலாச்சாரபண்பாட்டு வாழ்வியல்களை உருவாக்கிகொள்ள முடியும்.


தீபா ஸ்ரீராம்

நேர்பார்வை

நீ மற்றவர்களிடம் காட்டும் அன்பு, உன்னுடைய பலவீனமாகக் கருதப்படலாம்.
ஆனாலும் அன்பாக இரு.
நீ மற்றவர்களுக்கு செய்யும் உதவி கவனிக்கப்படாமல் போய்விடலாம்.
ஆனாலும் உதவி செய்.
நீ வெற்றி பெற்றால் பொய்யான நண்பர்களையும், உண்மையான எதிரிகளையும் பெற நேரிடலாம்.
ஆனாலும் வெற்றி பெறுவதில் உறுதியாய் இரு.
நாணயமும், யதார்த்தமும் உன்னை மிருதுவாக ஆக்கிவிடலாம்.
ஆனாலும் யதார்த்தமாகவும், நாணயமாகவும் இரு.
நீ இன்று செய்யும் நன்மை நாளை மறக்கப்படலாம்.
ஆனாலும் நன்மையே செய்.
வலைப்பதிவர்கள் அனைவருக்கும்
புத்தாண்டு வாழ்த்துக்கள்.